Saltar al contenido

A cociña de Larpeiros con mandil. 150 receitas de Benigno Campos por Campos, Benigno

octubre 8, 2019

A cociña de Larpeiros con mandil. 150 receitas de Benigno Campos

El siguiente libro lleva como título A cociña de Larpeiros con mandil. 150 receitas de Benigno Campos. El autor es Campos, Benigno y fue publicado en la fecha 05/11/09.  La editorial del libro es Editorial Galaxia y se acomoda en la categoría de «Libros».

Acerca del libro:

A riqueza e variedade da cociña tradicional galega é a base da que parte Benigno Campos para elaborar 150 receitas de cociña no seu libro A cociña de Larpeiros. O popular cociñeiro do programa Larpeiros, da Televisión de Galicia, propón un percorrido saboroso pola cociña galega de sempre, tradicional e sinxela, á que engade unha achega persoal en cada un dos pratos propostos e a recomendación dun viño axeitado para os acompañar. O libro vai precedido dun limiar do escritor Xosé Cermeño e ponlle cabo o epílogo do xornalista Tomás Alonso. O saber culinario de Benigno Campos Melón vénlle de Chapela, o barrio que une Vigo con Redondela, ao pé da ría, onde medrou entre os sacos, as latas e os aromas do negocio familiar de ultramarinos, e onde tivo un forno de pan a poucos pasos da súa porta e xogou nunha praia rica en ameixas, berberechos e beretes, lindante con leiras de leitugas e patacas. Logo, Benigno Campos acabou de facerse no Vigo fabril e sindicalista: traballou mirando ao mar para o que miran os estaleiros, as conserveiras, os naseiros, as redeiras, os bateeiros, as mariscadoras. Tal como afirma Xosé Cermeño no prólogo do libro, «Os receitarios son comunmente lembrados polo nome dos seus autores, máis que polo seu título. Falamos do Picadillo, ou do Simone Ortega, ou do Escoffier. Seguramente falaremos no futuro deste libro como o Benigno, o receitario que compilou unha cociña popular, apegada á terra e á memoria». Un libro de receitas que é útil á vez que gorentoso, que pola súa utilidade aproveita para cociñar e tamén aproveita ao padal. O mester da cociña, amais de innovar e experimentar, cómpre que conserve os sabores, texturas e recendos que constitúen a base da memoria gastronómica galega. A que fai lembrar aqueles guisos sólidos, cabais, condimentados con fidelidade aos sabores da infancia e do país. Por esa razón, A cociña de Larpeiros é un libro honesto, no que a cociña propia de Galicia se arrequenta coa doutras tradicións foráneas.

A cociña de Larpeiros con mandil. 150 receitas de Benigno Campos

  • Título: A cociña de Larpeiros con mandil. 150 receitas de Benigno Campos
  • Autor: Campos, Benigno
  • Editorial: Editorial Galaxia
  • ISBN: 9788498652383
  • Idioma: Español
  • Género: Libros
  • Paginación: 176
  • Publicado: 05/11/09

Información sobre el autor:

Benigno Campos naceu en Chapela. Durante 39 anos traballou nunha empresa da construción naval. Estando en Madrid no ano 1971 cumprindo o servizo militar comezou a afeccionarse á cociña grazas a súa amiga Tonina, tamén de Chapela. Esta afección levouno a ser un dos integrantes do exitoso programa de cociña da Televisión de Galicia Larpeiros. Co seu libro de receitas, A cociña de Larpeiros pretende cumprir coa demanda dun gran número de seguidores do programa.

Otros libros del autor Campos, Benigno

Etiquetas: No posee